Syukur Dan Jangan Ditunggangi Dunia dan Nafsu

Jangan lagi kebutuhan ini ditambahi nambahi jua lawan gawian, menambahi jua lawan kesibukan.
Mensyukuri apa yang ada, berapa Sidin menjulung. Jadi kebutuhan ikas situ ja. Dan arti syukur tadi sudah merasa labih dari cukup. Kada usah bepikir yang kada kada lagi.
Maka kada kena jampi jampi dunia.
Misalnya duit kada mayu nukar AC, maka jangan nukar AC, baik makai kipas otomatis, bila guring mati kipasnya.

Nukar Ac, tuhuk kena handak pulang nukar mobil, lalu handak pesawat. Sedangkan gawian membeca.

Dalail bakulat, Qur an makan gagat, tasbih pagat. Karena haur menambah nambah kebutuhan.
Kurangi kebutuhan, cukup apa yang ada. Jangan lagi menambahi kebutuhan dunia.

Sedangkan menambahi sembahyang kada handak, menambah shalawat kada handak, menambah ilmu kada handak jua padahal rumah parak tuan Guru. Itu akibat pikirannya menambahi kebutuhan dunia yang diinginkannya.
Urusan akhirat sibuk, haur, kadada waktu. Itu karena Allah tutup pintu hatinya sudah.

Awak sehat, yang dimakan ada gasan hari itu, maka cukup dah hidup. Kada usah bepikir handak ini itu karena duitnya kadada.

Renungilah "unda ni kenapa pina sibuk, haur?
itu karena kebutuhan menuntut.
Handak menolak kada kawa, kada kawa beindah karena telah ditunggang dunia.
Lamari banyak, kendaraan banyak, hutang kada di bayari karena gengsi. Maka jual mobil 5 buah bayari hutang, lunas hutang.
Ampih kapala mengalilu. Sembahyang zuhur 6 rakaat karena utang meulah mauk.

Pinanya wehini lah orang yang behutang kada tahu muha, sedangkan yang mehitangi kada kawa guring, karena tejebak janji2. Jar yang behutang tenang ja sebulan ja. Sekalinya tenang banaran kadada buriniknya.

Alasan kada bayar hutang ni maka banyak, alasan jualan kada payu lah, alasan ini itulah.

Bisi rumah, hidup aman, awak sehat, makanan ada, iya lebih dari cukup dah. Kalo Allah beri labih lagi, terima. Jangan ada bekahandak ini itu yang kada kawa dipenuhi dan kada ada.

Wc tu ada Syukuri ada beisi, kalo orang hulu sungai batang. Lalu kelotok, harau beguyang. Belum lagi kawan mauk meantri karena lawas banar behera, sangit kawan tataknya tali batang, hanyut. Pas keluar harau di laut hanyut..

Intinya kawa menahani kehendak yang macam-macam dari kebutuhan dunia, jadi kawa besedekah. Celengan lewat buati duit, kalo kada jua bacakan sholawat... kalo kada jua celengi celengannya. Hehehe

Beri laki duit 100 ribu, tulak kepasar bulik bawa balanjaan 200 ribu. Itulah karena banyak kahandak. Itu kada pintar.
Yang lucu lagi laki nyuruh nukar iwak, kalinya nukar dastar. Itu kada pintar lagi.
Itulah contoh ditunggagi dunia.

Nafsu menggoda kepada kita supay kita tampil, mencongol, beisi kisah kelebihan.
Handaklah kita sembunyikanlah kebaikan kita, karena memang kada beisi kebaikan. Karena nafsu ria masuk, sum ah masuk, sombong masuk, karena merasa beisi kelebihan tadi.
Lalu ae merasa sorang harat orang hina. Sembunyikan kelebihan agar selamat dari nafsu yang jahat.

Jangan ketuju menampaikan kekuatan, ketuju menampaikan suara bagus.
Orang behari betutunjulan, kada ketuju menunjukan kelebihan diri. Masing-masing meyuruh yang lain. Karena dasar kada beisi kelebihan.

Orang kebal nih, bediam ja. Kena kalo ada orang nyerang indonesia, lawan.. daguy daguy daguy. Orang nimbay granat, timbayinya ayam haja. Harat orang behari...
Baik beranai dari pada menampaikan kelebihan, kalo pina ada yang melawani.
Betampai bisa bejalan atas banyu ke sudimampir, kalo pina ada yang melawani catuk sidin banyu, tabalah dua... maka buhaya ha pulang di bawah mahadangi..

Kita bejalan atas banyu, tarabang diatas itu adalah keagungan Tuhan.
Orang yang pintar handak mempaikan kebaikan dan kelebihan Allah.
Orang yang dibudaki nafsu handak menampaikan dirinya beisi kelebihan.

Jangan pina bekoyokoyo. Itu buhan yang menampilkan baju harat itu ja bebulan bulan. Mulai muha karutuyan tu sampai baik, suara sampai bisa benyanyi hanyar tampil. Kada mudah..
Mulai suara sumbang sampai suara kumbang, kada gagampangan. Batisnya yang mana yang bedahulu bebubulan belajar, berapa kali tapalicuk. Kada gagampangan.
Apalagi masalah agama kaya tahlilalan. Ngini betahlil kada bisa, handak betampai tampai mimpin tahlil, iya handak mulai. "Ayo kita mulai" ujar...
Ujar orang napanya yang dimulai..

Nah itu nafsu tu.. jadi itu ja nafsu, jangan ketuju melihatakan kelebihan, karena kita kada beisi kelebihan..
Karena  biasanya orang yang betatampai kelebihan, inya handak bepintapinta. Minta pujian, sanjungan dari orang lain. Pas orang kada menyanjung, pas kada dapat pujian. Mau lah kada sakit hati...........